Հայաստանը միացել է Լիբանանում ՄԱԿ-ի ժամանակավոր ուժերի վրա հարձակումները դատապարտող երկրների համատեղ հայտարարությանը (լրացված)

ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Լիբանանում ՄԱԿ-ի ժամանակավոր ուժերին (UNIFIL) աջակցող 34 երկրներ, այդ թվում՝ Հայաստանը, համատեղ հայտարարություն են տարածել՝ կոչ անելով  հարգել ՄԱԿ-ի խաղաղապահների առաքելությունը և ապահովել նրա անձնակազմի անվտանգությունը:

«Արմենպրես»-ի հաղորդմամբ` համատեղ հայտարարությունը հրապարակվել է X-ի «Լեհաստանը ՄԱԿ»-ում միկրոբլոգում:

Ստորագրած երկրները վերահաստատել են իրենց աջակցությունը Լիբանանում ՄԱԿ-ի ժամանակավոր ուժերի առաքելությանը՝ հարավային Լիբանանում կայունություն և խաղաղություն հաստատելու համար:

Լեհաստանի նախաձեռնած համատեղ հայտարարության մեջ դատապարտվել են խաղաղապահների վրա հարձակումների միջադեպերը և նշվել, որ նման գործողությունները պետք է անհապաղ դադարեցվեն և համարժեք հետաքննվեն:

ՀՀ ԱԳՆ մամուլի խոսնակ Անի Բադալյանի տեղեկացմամբ՝ հայտարարությանը միացած երկրների թիվը հասել է 40-ի։

A joint statement by 34 UNIFIL-contributing countries, initiated by 🇵🇱, urges to protect @UNIFIL_ peacekeepers.
We condemn recent incidents, call to respect UNIFIL's mission & ensure the safety of its personnel.
🇦🇲🇦🇹🇧🇩🇧🇷🇰🇭🇨🇳🇨🇾🇸🇻🇪🇪🇫🇯🇫🇮🇫🇷🇬🇭🇬🇹🇭🇺🇮🇩🇮🇪🇮🇹🇰🇿🇰🇷🇱🇻🇲🇾🇲🇹🇲🇳🇳🇵🇳🇱🇵🇱🇶🇦🇸🇱🇪🇸🇱🇰🇹🇿🇹🇷🇬🇧 pic.twitter.com/66q46Pu1RR

— Poland in the UN (@PLinUN) October 12, 2024