397.35
ՌԴ նախագահը հոկտեմբերի 7-ին ոչ պաշտոնական շփում կունենա ԱՊՀ պետությունների ղեկավարների հետ
1 րոպեի ընթերցում
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ։ Ռուսաստանի Դաշնության նախագահ Վլադիմիր Պուտինը հոկտեմբերի 7-ի երեկոյան ՝ իր ծննդյան օրը, ոչ պաշտոնական շփում կունենա ԱՊՀ պետությունների ղեկավարների հետ, իսկ հոկտեմբերի 8-ին նախատեսված է համագործակցության պաշտոնական գագաթնաժողովը:
«Արմենպրես»-ի հաղորդմամբ՝ լրագրողների հետ ճեպազրույցում այս մասին հայտնել է ՌԴ նախագահի մամուլի քարտուղար Դմիտրի Պեսկովը:
«Երեկոյան նախագահը ոչ պաշտոնական շփում կունենա ԱՊՀ երկրների պետությունների և կառավարությունների ղեկավարների հետ, որոնք այդ պահին կժամանեն Մոսկվա՝ մասնակցելու վաղը կայանալիք ԱՊՀ պետությունների ղեկավարների խորհրդի նիստին», - ասել է Կրեմլի ներկայացուցիչը ։
Հայաստանի վարչապետ Նիկոլ Փաշինյանը մեկնել է Մոսկվա, որտեղ կմասնակցի ԱՊՀ երկրների ղեկավարների խորհրդի նիստին։
Բաժանորդագրվեք մեր ալիքին Telegram-ում