ԱՄՆ-ում կարծում են, որ Իսրայելի և «Հեզբոլլահ»-ի միջև հակամարտության հնարավոր սրացումը կհանգեցնի լայնածավալ պատերազմի

3 րոպեի ընթերցում

ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ։ Ամերիկյան իշխանությունների գնահատմամբ՝ առաջիկա օրերին Իսրայելի և լիբանանյան «Հեզբոլլահ» շիա շարժման միջև մարտերը զգալիորեն կսրվեն, ինչը կարող է հանգեցնել նրանց միջև լայնածավալ պատերազմի: «Արմենպրես»-ի տեղեկացմամբ՝ այդ մասին հայտնում է ամերիկյան Politico պարբերականը:

Լրատվամիջոցի փոխանցմամբ՝ ԱՄՆ-ի վարչակազմի երկու բարձրաստիճան պաշտոնյաներ նշել են, որ իրավիճակի վերջին վերլուծությունը վկայում է լարվածության նվազման հասնելու բարդ լինելու մասին: Ամերիկացիների անհանգստությունն աճել է հատկապես այն բանից հետո, երբ Իսրայելը պայթեցրել է «Հեզբոլլահ»-ի մի շարք անդամների փեյջերները, ռադիոհաղորդակցության միջոցները և Բեյրութի բնակելի շենքերից մեկը, որի հետևանքով, ինչպես նշվում է, սպանվել է նշված շարժման բարձրաստիճան հրամանատար Իբրահիմ Աքիլը:

Politico-ն ուշադրություն է հրավիրում այն հանգամանքին, որ մասնավոր գնահատականները հակասում են Սպիտակ տան պաշտոնական հայտարարությանն առ այն, որ հետագա արյունահեղությունը դեռ հնարավոր է կանխել դիվանագիտական միջամտությամբ: Ավելի վաղ Սպիտակ տան խորհրդական Ջոն Քիրբին լրագրողների հետ զրույցում նշել էր, որ խնդրի դիվանագիտական ​​լուծումը դեռևս իրատեսական է: «Իսրայելի և Լիբանանի սահմանին պատերազմն անխուսափելի չէ: Կշարունակենք ամեն ինչ անել այն կանխելու համար»,- ընդգծել էր նա:

Նշվում է, որ Իսրայելը Վաշինգտոնին հայտնել է դիվանագիտական ​​լուծման հասնելու մտադիրության մասին, որի համար, սակայն, անհրաժեշտ է ռազմական գործողությունների միջոցով ճնշում գործադրել «Հեզբոլլահ»-ի վրա։ Միաժամանակ, ամերիկացի պաշտոնյաները պարբերականին տեղեկացրել են, որ առաջիկա օրերին սպասվում է իրավիճակի վատթարացում, քանի որ «Հեզբոլլահ»-ն այս կամ այն կերպ հակահարված է հասցնելու Իսրայելին։

Սեպտեմբերի 20-ին իսրայելական օդուժը հարվածներ է հասցրել Բեյրութի հարավային Դահիյա արվարձանին, որը համարվում է «Հեզբոլլահ»-ի հենակետերից մեկը։ Ավիահարվածների հետևանքով զոհվել է առնվազն 8 մարդ, այդ թվում՝ «Հեզբոլլահ»-ի բարձրաստիճան հրամանատար Իբրահիմ Աքիլը: Հարձակման հետևանքով վիրավորվել է 59 մարդ: Դրան նախորդել էին Լիբանանի տարբեր շրջաններում «Հեզբոլլահ» շարժման անդամների փեյջերների և հեռավար ռադիոկայանների պայթյունները, որոնց հետևանքով, ինչպես հաղորդվում է, զոհվել էր ընդհանուր առմամբ 37 մարդ: Այդ պայթյունները, ըստ աղբյուրների, ուղղորդվել են Իսրայելի կողմից:

Հայերեն

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ