Մշակույթ

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

2 րոպեի ընթերցում

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Աթենքի ազգային հնագիտական թանգարանում Հայաստանի պատմության թանգարանի տնօրեն Դավիթ Պողոսյանը և Աթենքի ազգային հնագիտական թանգարանի գլխավոր տնօրեն Կոնստանտինոս Նիկոլենցոսը ստորագրել են փոխըմբռնման հուշագիր։

«Արմենպրես»-ի փոխանցմամբ՝ այդ մասին հաղորդագրություն է տարածել Հայաստանի պատմության թանգարանի մամուլի ծառայությունը։ 

Հուշագրի շրջանակներում նախատեսվում է իրականացնել համատեղ ցուցահանդեսներ, գիտական, մշակութային միջոցառումներ, մասնագիտական փորձի փոխանակում։ 

Հուշագրի ստորագրման արարողությանը ներկա են եղել Հայաստանի Հանրապետության կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը և Հունաստանի Հանրապետությունում Հայաստանի Հանրապետության արտակարգ և լիազոր դեսպան Տիգրան Մկրտչյանը։ 

Ստորագրմանը հաջորդել է շրջայց Աթենքի ազգային հնագիտական թանգարանում՝ գլխավոր տնօրենի ուղեկցությամբ։

Հուշագրի ստորագրմանն անդրադարձել է նաև Հունաստանում Հայաստանի դեսպան Տիգրան Մկրտչյանը։ 

«Երկու տարի առաջ մեկնարկած քննարկումները և համագործակցության առաջարկությունները ՝ Հունաստանում ՀՀ դեսպանության նախաձեռնությամբ, ստացան իրավապայմանագրային բնույթ Հայաստանի պատմության թանգարանի և Աթենքի հնագիտական թանգարանի միջև Համագործակցության հուշագրի ստորագրմամբ։ Ի դեպ, Ակրոպոլիսի թանգարանում Հայաստանին նվիրված աննախադեպ ցուցահանդեսի կազմակերպման քննարկումներին զուգահեռ քննարկվել է նաև Հին Հունաստանին նվիրված Հայաստանում երբևէ առաջին ցուցահանդեսի կազմակերպումը, ինչը, հուսանք, կյանքի կկոչվի առաջիկայում»,-«Ֆեյսբուք»-ի իր էջում գրել է դեսպանը։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում