398.36
Ուկրաինան մտադիր է այս տարի կազմակերպել խաղաղության 2-րդ գագաթնաժողովը և վերջակետ դնել հակամարտությանը․ Զելենսկի
1 րոպեի ընթերցում
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ։ Ուկրաինան մտադիր է արդեն այս տարի կազմակերպել խաղաղության երկրորդ գագաթնաժողովը, որը կարող է վերջակետ դնել հակամարտությանը, այլ ոչ թե բազմակետ։ «Արմենպրես»-ի հաղորդմամբ՝ այս մասին հայտարարել է Ուկրաինայի նախագահ Վոլոդիմիր Զելենսկին Եվրահանձնաժողովի ղեկավար Ուրսուլա ֆոն դեր Լայենի հետ բանակցություններից հետո։
«Մենք շահագրգռված ենք խաղաղությամբ. մենք պետք է առավելագույնս ուժեղացնենք Ուկրաինան, որպեսզի արդեն այս տարի կազմակերպենք երկրորդ գագաթնաժողովը, որը կարող է վերջակետ դնել այս պատերազմին։ Հենց այնպիսի վերջակետ, որը երբեք չի դառնա բազմակետ»,- Զելենսկու խոսքերը մեջքերում է «Страна.ua»-ն
Բաժանորդագրվեք մեր ալիքին Telegram-ում