Փոխարտգործնախարար Վահան Կոստանյանը շնորհավորել է Մաջիդ Թախտ Ռավանչիին՝ նոր պաշտոնում նշանակվելու առթիվ
1 րոպեի ընթերցում
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ։ ՀՀ արտաքին գործերի նախարարի տեղակալ Վահան Կոստանյանը շնորհավորել է Մաջիդ Թախտ Ռավանչիին՝ Իրանի արտաքին գործերի փոխնախարարի պաշտոնում նշանակվելու առթիվ։
«Արմենպրես»-ի հաղորդմամբ՝ Վահան Կոստանյանը սոցցանցի X հարթակում հայտնել է, որ հեռախոսազրույց է ունեցել նորանշանակ փոխնախարարի հետ։
«Մենք գնահատում ենք Իրանի աջակցությունը Հայաստանի տարածքային ամբողջականությանը։ Մտքեր ենք փոխանակել տարածաշրջանային վերջին զարգացումների շուրջ»,- գրել է Կոստանյանը։
Մաջիդ Թախտ Ռավանչին իր հերթին հաստատել է տեղեկությունն ու սոցցանցի X հարթակում նշել, որ զրույցի ընթացքում վերահաստատել է իրանական կողմի մեծ ցանկությունը՝ ամրապնդելու հարաբերություններն Իրանի բոլոր հարևանների հետ։
«Ես նաև արտահայտել եմ մեր սկզբունքային դիրքորոշումը միջազգային սահմանների անձեռնմխելիության վերաբերյալ։ Ես սիրով ընդունեցի Երևան այցելելու՝ Վահան Կոստանյանի հրավերը»,-գրել է ԻՀՀ փոխարտգործնախարարը։
