Մեր անվտանգության երաշխավորը կամ մենք ենք, կամ չկա երաշխավոր. ՀՀ վարչապետ
1 րոպեի ընթերցում
![Մեր անվտանգության երաշխավորը կամ մենք ենք, կամ չկա երաշխավոր. ՀՀ վարչապետ](http://armenpress.am/resized/480/storage/images/articles/2024/09/11/d4z3yDxfDVcbaLi2PVztFT74P8KOpxTcruTWqK19.webp)
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանն իր հարցերը ինքը պետք է լուծի, անվտանգության երաշխավորը կամ հենց ինքն է, կամ չկա:
«Արմենպրես»-ի հաղորդմամբ՝ այս մասին ասաց ՀՀ վարչապետ Նիկոլ Փաշինյանն ԱԺ–ում կառավարության հետ հարցուպատասխանին՝ անդրադառնալով ընդդիմադիր «Հայաստան» խմբակցության պատգամավոր Աննա Գրիգորյանի՝ Ադրբեջանի հետ հնարավոր խաղաղության պայմանագրի երաշխավորի վերաբերյալ հարցին:
Երաշխավորի ինստիտուտի մասին խոսելով՝ վարչապետն ասաց. «Աշխարհի՝ իմ այսօրվա իմացությամբ ասում եմ, որ դրանից ավելի ֆեյք թեմա չկա: Մեր անվտանգության երաշխավորը կամ մենք ենք, կամ չկա երաշխավոր: Բոլոր նրանց համար, ում անունը մենք ուզում ենք դնել անվտանգության երաշխավոր, մենք մանրադրամ ենք: Մեր հարցերը մենք պետք է լուծենք»:
Նա հարց բարձրացրեց՝ իր պատմության մեջ Վուդրո Վիլսոնի իրավարար վճիռ ունեցած ժողովուրդը հղում կանի՞ երաշխավորին ու միջազգային մեխանիզմներին: