Արգենտինան Միջազգային քրեական դատարանից Նիկոլաս Մադուրոյին ձերբակալելու օրդեր է խնդրել
1 րոպեի ընթերցում
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ։ Արգենտինան կոչ է անում Միջազգային քրեական դատարանի դատախազին դիմել նախնական վարույթի պալատին՝ Վենեսուելայի նախագահ Նիկոլաս Մադուրոյին ձերբակալելու օրդեր տալու համար։ «Արմենպրես»-ի հաղորդմամբ՝ ասված է երկրի ԱԳՆ հայտարարության մեջ:
Հարցման պատճառը գերատեսչությունն անվանել է այն գործողությունները, որոնք կարող են դիտարկվել որպես մարդկության դեմ ուղղված հանցագործություններ:
Արգենտինայի ԱԳՆ-ն նաև կոչ է արել վենեսուելացի բարձրաստիճան պաշտոնյաների ձերբակալման օրդեր տալ: Կառավարության նոտայում Արգենտինայի խնդրանքը հիմնավորված է հուլիսի 28-ին Վենեսուելայում նախագահական ընտրություններից հետո տեղի ունեցած իրադարձություններով։
Արգենտինան առաջին պետությունն էր, որը չճանաչեց Մադուրոյի հաղթանակն ընտրություններում:
