Հայաստանի և Չեխիայի ԱԳ փոխնախարարները քննարկել են բազմոլորտ համագործակցությանն առնչվող մի շարք հարցեր
1 րոպեի ընթերցում
![Հայաստանի և Չեխիայի ԱԳ փոխնախարարները քննարկել են բազմոլորտ համագործակցությանն առնչվող մի շարք հարցեր](http://armenpress.am/resized/480/storage/images/articles/2024/09/01/ATmfyzy8DYAZAgJZYt7cBEro4NpbMCrXpXUePwZ4.webp)
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Պրահայում ընթացող «GLOBSEC» համաժողովի շրջանակներում Հայաստանի ԱԳ նախարարի տեղակալ Վահան Կոստանյանը օգոստոսի 31-ին հանդիպել է Չեխիայի արտաքին գործերի նախարարի տեղակալ Յան Մարիանին:
Ինչպես «Արմենպրես»-ին տեղեկացրին ՀՀ արտաքին գործերի նախարարությունից, հանդիպման ընթացքում կողմերը քննարկել են Հայաստանի ու Չեխիայի բազմոլորտ համագործակցությանն առնչվող մի շարք հարցեր:
Ըստ աղբյուրի՝ զրուցակիցներն անդրադարձել են բարձր և բարձրաստիճան մակարդակներում քաղաքական երկխոսության հետագա խորացմանը, առևտրատնտեսական հարաբերությունների թիրախային նախաձեռնություններով և ծրագրերով հարստացմանը։ Մտքեր են փոխանակվել ժողովրդավարական զարգացման, մարդու իրավունքների պաշտպանության ոլորտներում փոխգործակցության ամրապնդման վերաբերյալ։
Հանդիպման ընթացքում կարևորվել է բոլոր ուղղություններով Հայաստան-ԵՄ գործընկերության շարունակական ամրապնդումը։ Այս համատեքստում հայկական կողմը շնորհակալություն է հայտնել չեխ գործընկերներին շարունակական աջակցության համար։
Նշվում է, որ զրուցակիցներն անդրադարձել են նաև տարածաշրջանային անվտանգությանը և խաղաղությանը առնչվող խնդիրներին: