ՀՀ ԱՍՀ նախարար Սանոսյանը խորհրդակցություն է անցկացրել ՀՀ քաղաքացիական ավիացիայի կոմիտեում
1 րոպեի ընթերցում
![ՀՀ ԱՍՀ նախարար Սանոսյանը խորհրդակցություն է անցկացրել ՀՀ քաղաքացիական ավիացիայի կոմիտեում](http://armenpress.am/resized/480/storage/images/articles/2024/08/23/PatmhFGBGdqEEMLdAM7wRaP7nZ3pOLYvMtvvK5i2.webp)
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: ՀՀ աշխատանքի և սոցիալական հարցերի նախարար Գնել Սանոսյանն օգոստոսի 23-ին այցելել է ՀՀ քաղաքացիական ավիացիայի կոմիտե և քննարկել ավիացիայի զարգացման վերաբերյալ ընթացիկ աշխատանքային մի շարք հարցեր:
«Արմենպրես»-ի հաղորդմամբ՝ այս մասին նախարարը տեղեկացրել է «Ֆեյսբուք»-ի իր էջում:
«Այսօր այցելել եմ ՀՀ քաղաքացիական ավիացիայի կոմիտե։
Շնորհավորել եմ կոմիտեի նախագահ Միհրան Խաչատրյանին՝ ծննդյան 70-ամյակի կապակցությամբ, և ավիացիայի ոլորտում երկարամյա, բարեխիղճ և արդյունավետ աշխատանքի համար շնորհել ՀՀ ՏԿԵ նախարարի շնորհակալագիր։
Այնուհետև խորհրդակցություն եմ անցկացրել Կոմիտեում։
Քննարկել ենք ավիացիայի զարգացման վերաբերյալ ընթացիկ աշխատանքային մի շարք հարցեր»,- գրառմամբ տեղեկացրել է ՀՀ ԱՍՀ նախարարը՝ հավելելով, որ Կոմիտեի նախագահը զեկուցել է այդ ուղղությամբ կատարվող աշխատանքների մասին։