ԱՄՆ-ն ատոմային սուզանավ է ուղարկում Մերձավոր Արևելք

3 րոպեի ընթերցում

ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: ԱՄՆ պաշտպանության նախարար Լլոյդ Օսթինը կարգադրել է Մերձավոր Արևելք ուղարկել ԱՄՆ ռազմածովային ուժերի Georgia ատոմային սուզանավը, ինչպես նաև արագացնել Abraham Lincoln ավիակրի տեղափոխումը։ «Արմենպրես»-ի փոխանցմամբ՝ այս մասին օգոստոսի 11-ին հայտնել է Պենտագոնի մամուլի ծառայությունը։

Ըստ հաղորդագրության՝ Օսթինը հեռախոսազրույց է ունեցել Իսրայելի պաշտպանության նախարար Յոավ Գալանտի հետ, որտեղ «հաստատել է ԱՄՆ-ի պատրաստակամությունը՝ ձեռնարկելու բոլոր միջոցներն Իսրայելի պաշտպանության համար», ինչպես նաև հայտարարել է «Մերձավոր Արևելքում ԱՄՆ ռազմական ներկայությունն ուժեղացնելու մասին՝ տարածաշրջանում լարվածության սրման ֆոնին»։

Մասնավորապես, Օսթինը նշել է, որ կարգադրել է արագացնել F-35C կործանիչներով Abraham Lincoln ավիակրի տեղափոխումն ԱՄՆ զինված ուժերի Կենտրոնական հրամանատարության (CENTCOM) պատասխանատվության գոտի: Ընդ որում, արդեն տարածաշրջանում է գտնվում ամերիկյան Theodore Roosevelt ավիակիրը։ 

Մերձավոր Արևելք

ԱՄՆ-ն Theodore Roosevelt ավիակրից ինքնաթիռների մի մասը տեղափոխել է մերձավորարևելյան ռազմակայան. AP

Բացի այդ, ըստ հաղորդագրության, Օսթինը կարգադրել է CENTCOM-ի պատասխանատվության գոտի ուղարկել Georgia սուզանավը, որը հանդերձված է թևավոր հրթիռներով։

Հաղորդագրության մեջ նշվում է, որ Օսթինն ու Գալանտը քննարկել են իսրայելցի զինվորականների գործողությունները Գազայի հատվածում, քաղաքացիական բնակչությանը հասցված վնասը նվազագույնի հասցնելու կարևորությունը, հրադադարի և պատանդների ազատ արձակման շուրջ գործարքի կնքման ջանքերը։ Բացի այդ, կողմերը քննարկել են «Իրանի, «Հեզբոլլահ»-ի և Իրանի հետ կապված այլ խմբավորումների ագրեսիան կանխելու փորձերը»։ 

Մերձավոր Արևելքում իրադրությունը կտրուկ սրվել է հուլիսի 31-ին Թեհրանում պաղեստինյան ​​ՀԱՄԱՍ արմատական շարժման քաղբյուրոյի նախագահ Իսմայիլ Հանիյեի սպանությունից և իսրայելական հարվածից Բեյրութում «Հեզբոլլահ»-ի ռազմական թևի հրամանատարներից մեկի՝ Ֆուադ Շուքրի սպանությունից հետո։ Հանիյեի սպանության մեջ Իրանը և ՀԱՄԱՍ-ը մեղադրել են Իսրայելին և հայտարարել, որ անպատասխան չեն թողնի դա: 

Իսրայելը չի մեկնաբանում Հանիյեի մահը, իսկ Շուքրի սպանությունը համարում է պատասխան Գոլանի բարձունքներում Մաջդալ Շամս գյուղի հրետակոծությանը, որի հետևանքով 12 մարդ էր զոհվել։ «Հեզբոլլահ»-ը հերքել էր իր առնչությունն այդ միջադեպին:

Հայերեն Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ