Գազայի հատվածում իսրայելական հարվածների հետևանքով զոհերի թիվը մոտ 39,6 հազար է

ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Գազայի հատվածում հակամարտության սրվելուց ի վեր Իսրայելի հարվածների հետևանքով զոհերի թիվը հասել է  39 հազար 583-ի, իսկ վիրավորներինը՝  91 հազար 398-ի:

«Արմենպրես»-ի հաղորդմամբ՝ այս մասին «Ֆեյսբուք»-ի էջում տարածած հաղորդագրության մեջ հայտնել է Գազայի առողջապահական գերատեսչությունը: 

Աղբյուրի տվյալներով՝ վերջին 24 ժամվա ընթացքում զոհվել է 33  պաղեստինցի, վիրավորվել՝ 118-ը: