Իրան

Հանիյեի սպանությունն իրականացվել է երկու ամիս առաջ տեղադրված պայթուցիկ սարքի միջոցով. CNN

2 րոպեի ընթերցում

Հանիյեի սպանությունն իրականացվել է երկու ամիս առաջ տեղադրված պայթուցիկ սարքի միջոցով. CNN

ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ։ Պաղեստինյան ՀԱՄԱՍ արմատական շարժման քաղբյուրոյի ղեկավար Իսմայիլ Հանիյեն, ըստ CNN-ի իրազեկ աղբյուրի, սպանվել է պայթուցիկ սարքի միջոցով, որը տեղադրվել էր պայթյունից երկու ամիս առաջ։

«Արմենպրես»-ի փոխանցմամբ՝ CNN-ը նշում է, որ պայթուցիկը տեղադրվել էր այն հյուրատանը, որտեղ, ինչպես հայտնի է, Հանիյեն կանգ էր առնում Թեհրանում։ Սարքը պայթեցվել էր հեռավար կերպով, երբ նա իր սենյակում էր։ 

Իրանի կառավարությունը և ՀԱՄԱՍ-ը պնդում են, որ Հանիյեի սպանության հետևում կանգնած է Իսրայելը, որը ո՛չ հաստատել է, ո՛չ հերքել իր առնչությունը։ 

Իրանում օգոստոսի 1-ին տեղի ունեցած հրաժեշտի արարողությունից հետո Հանիյեի մարմինը տեղափոխվել է Կատար, որտեղ օգոստոսի 2-ին տեղի կունենա նրա հուղարկավորությունը։ 

Հանիյեի սպանությունից առաջ Բեյրութի վրա իրականացված հարվածից սպանվել էր լիբանանյան շիա «Հեզբոլլահ» շարժման բարձրաստիճան հրամանատար Ֆուադ Շուքրը, ինչպես նաև Իսլամական հեղափոխության պահապանների կորպուսի հրամանատար Հոսեյն Սալամին։ 

Բացի այդ, Իսրայելի պաշտպանության բանակը հայտարարել է, որ հուլիսին Գազայի հատվածում սպանել է ՀԱՄԱՍ-ի ռազմական թևի ղեկավար Մոհամմեդ Դեյֆին։  

Այս վերջին իրադարձությունների պատճառով տարածաշրջանում իրավիճակն էլ ավելի է սրվել։ ԱՄՆ նախագահ Ջո Բայդենը հայտարարել է, որ Հանիյեի սպանությունը չի նպաստում Գազայի հատվածում հրադադարի գործարքի կնքմանը։ 

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում