Կիպրոսի ԱԳՆ-ն նշանակալի քայլ է համարում ԵՄ խորհրդի որոշումները Հայաստանի վերաբերյալ

ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ։ Կիպրոսի արտաքին գործերի նախարարությունն արձագանքել է Հայաստանին Խաղաղության եվրոպական հիմնադրամից օգնություն հատկացնելու և Հայաստանի հետ վիզաների ազատականացման շուրջ երկխոսություն սկսելու՝ ԵՄ խորհրդի որոշումներին։ 

«Արմենպրես»-ի փոխանցմամբ՝ այդ մասին հրապարակում է արվել Կիպրոսի ԱԳՆ-ի X-ի միկրոբլոգում։ 

The decisions to provide #EPF assistance to Armenia and to launch a visa liberalisation dialogue are significant steps forward in the 🇪🇺–🇦🇲 ties. #Cyprus will continue working with its #EU partners towards closer relations with #Armenia, fostering regional peace and stability.… https://t.co/BEsMlg2IPu

— Cyprus MFA (@CyprusMFA) July 25, 2024

«Հայաստանին Խաղաղության եվրոպական հիմնադրամից օգնություն հատկացնելու և վիզաների ազատականացման շուրջ Հայաստանի հետ երկխոսություն սկսելու որոշումները նշանակալի քայլեր են ԵՄ-Հայաստան հարաբերություններում։  Կիպրոսը կշարունակի աշխատել ԵՄ-ի իր գործընկերների հետ՝ Հայաստանի հետ ավելի սերտ հարաբերությունների ուղղությամբ՝ նպաստելով տարածաշրջանային խաղաղությանն ու կայունությանը»։