Նատալի Լուազոն գոհունակություն է հայտնել Խաղաղության եվրոպական հիմնադրամից Հայաստանին օգնություն հատկացնելու որոշման առնչությամբ
1 րոպեի ընթերցում
![Նատալի Լուազոն գոհունակություն է հայտնել Խաղաղության եվրոպական հիմնադրամից Հայաստանին օգնություն հատկացնելու որոշման առնչությամբ](http://armenpress.am/resized/480/storage/images/articles/2024/07/23/3PjWHpXRNvQljH1PsmF30YF5gg6pU8gKcLeAQjt8.webp)
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ։ Եվրոպական խորհրդարանի պատգամավոր Նատալի Լուազոն իր գոհունակությունն է հայտնել Հայաստանին Խաղաղության եվրոպական հիմնադրամից 10 միլիոն եվրո տրամադրելու մասին Եվրոպական միության խորհրդի որոշման կապակցությամբ։
«Արմենպրես»-ի փոխանցմամբ՝ այս մասին Նատալի Լուազոն գրառում է կատարել X-ի իր միկրոբլոգում։
Pour la première fois, l’🇪🇺apporte le soutien de la Facilité européenne pour la paix à l’Arménie. Heureuse de cette décision en faveur de laquelle je plaide depuis des mois. https://t.co/WoAaR5CpiI
— Nathalie Loiseau (@NathalieLoiseau) July 22, 2024
Եվրոպական միությունն առաջին անգամ Հայաստանին աջակցություն է տրամադրում Եվրոպական խաղաղության հիմնադրամից։ Ուրախ եմ այս որոշման առնչությամբ, որի մասին ամիսներ շարունակ խնդրել եմ», - իր գրառման մեջ նշել է Լուազոն։