ՀՀ-ում Ֆրանսիայի դեսպանը ներկա է գտնվել ԼՂ-ից երաժիշտների կատարմամբ կամերային երաժշտության համերգին
1 րոպեի ընթերցում
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետությունում Ֆրանսիայի արտակարգ և լիազոր դեսպան Օլիվիե Դըկոտինյին Հայկական բարեգործական ընդհանուր միության (ՀԲԸՄ) հրավերով ներկա է գտնվել Լեռնային Ղարաբաղից երաժիշտների կատարմամբ կամերային երաժշտության համերգին։
«Արմենպրես»-ի հաղորդմամբ՝ այս մասին նշված է ՀՀ-ում Ֆրանսիայի դեսպանի X-ի միկրոբլոգում կատարված գրառման մեջ։
«Հուզմունքով եմ ներկա գտնվել ՀԲԸՄ-ի հրավերով Լեռնային Ղարաբաղից երաժիշտների կատարմամբ կամերային երաժշտության համերգին:
Այս կանանց և տղամարդկանց համար, ովքեր վերամիավորվել են իրենց բռնի գաղթից 10 ամիս անց, այս համերգը հաղթանակ է աքսորի, անարդարության և մոռացության դեմ», - իր գրառման մեջ նշել է դեսպան Դըկոտինյին։