Բայդենի օգնականները հայտնաբերել են նրա հետ կապված գաղտնի փաստաթղթերի ևս մեկ խմբաքանակ. NBC

2 րոպեի ընթերցում

ԵՐԵՎԱՆ, 12 ՀՈւՆՎԱՐԻ, ԱՐՄԵՆՊՐԵՍ: ԱՄՆ-ի նախագահ Ջո Բայդենի օգնականները հայտնաբերել են գաղտնի փաստաթղթերի ևս մեկ խմբաքանակ, որոնք, ենթադրաբար, կապված են երկրի գործող ղեկավարի հետ:

«Արմենպրես»-ի փոխանցմամբ՝ այս մասին հաղորդել է NBC News-ը՝ վկայակոչելով տեղեկացված աղբյուրի։ Ըստ լրատվամիջոցի՝ լրացուցիչ նյութերի որոնումն սկսվել է այն բանից հետո, երբ 2022 թ. նոյեմբերի 2-ին Բայդենի փաստաբանները գտել էին նրա փոխնախագահության տարիների 10 գաղտնի փաստաթղթեր Վաշինգտոնի Փենսիլվանիայի համալսարանում Բայդենի անվան դիվանագիտության և գլոբալ համագործակցության կենտրոնում:

Փաստաթղթերի նոր խմբաքանակը հայտնաբերվել է մի գրասենյակում, որը նա օգտագործում էր ԱՄՆ նախկին նախագահ Բարաք Օբամայի վարչակազմից հեռանալուց հետո: Դրանց ստույգ թիվը չի նշվում։ Ինչպես ավելի վաղ հայտնել էր «Արմենպրես»-ը, վկայակոչելով CBS News-ին, ԱՄՆ Գլխավոր դատախազ Մերրիկ Գարլանդը Չիկագոյի ԱՄՆ դատախազին հանձնարարել է ուսումնասիրել գաղտնի փաստաթղթերը, որոնք հայտնաբերվել են Վաշինգտոնի Փենսիլվանիայի համալսարանում Բայդենի անվան դիվանագիտության և գլոբալ համագործակցության կենտրոնում:

Փաստաթղթերը հայտնաբերվել են նոյեմբերի 2-ին՝ միջանկյալ ընտրություններից առաջ, Բայդենի անձնական իրավաբանների կողմից, երբ նրանք հավաքում էին իրերը, որպեսզի ազատեն վերլուծական կազմակերպության գրասենյակը: Թե ինչ տեղեկություններ կան փաստաթղթերում, չի բացահայտվում, սակայն ըստ CBS-ի աղբյուրների՝ դրանք միջուկային գաղտնիքներ չեն պարունակում:

Հայերեն

Մոնղոլիայի նախագահը հրաժարական է տվել կոռուպցիայի մեղադրանքների պատճառով

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է