1 րոպեի ընթերցում
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Իտալիայի ֆուտբոլի առաջնության երկրորդ տուրում Միլանի «Ինտեր»-ը մրցել է «Սպեցիա»-ի հետ:
«Արմենպրես»-ի հաղորդմամբ` Միլանում կայացած խաղում «Ինտեր»-ին հաջողվել է առավելության հասնել խոշոր` 3:0 հաշվով: Միլանյան ակումբի կազմում աչքի են ընկել Լաուտարո Մարտինեսը, Հական Չալհանօղլուն և Խոակին Կոռեան:
«Ինտեր»-ը երկու հաղթանակից հետո Սերիա Ա-ի մրցաշարային աղյուսակի առաջատարն է:
Ավելի վաղ հայտնի էր դարձել, որ Հայաստանի ֆուտբոլի ազգային թիմի նախկին ավագ,Միլանի«Ինտեր»-ի կիսապաշտպան Հենրիխ Մխիթարյանը վնասվածքի պատճառով բաց կթողնի մի քանի շաբաթ: Հայ կիսապաշտպանի մոտ առկա է ձախ ազդրային մկանի լարվածություն:Ըստ ամենայնի,Մխիթարյանը խաղադաշտ կվերադառնա2շաբաթից ոչ շուտ: «Ինտեր»-ի բուժանձնակազմն աշխատում է այն ուղղությամբ,որ Մխիթարյանը կարողանա մասնակցել սեպտեմբերին սկզբին նախատեսված«Միլան»-ի դեմ խաղին: