1 րոպեի ընթերցում
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: «Ալաշկերտի» երկրորդ թիմի գլխավոր մարզիչ է նշանակվել Արմեն Շահգելդյանը:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը:
Փորձառու մասնագետը երկար տարիներ ներկայացրել է Հայաստանի ազգային հավաքականը, որպես մարզիչ աշխատել է «Միկա», «Արարատ», «Վեստ Արմենիա» և «Սևան» ակումբներում:
48-ամյա մարզչի գլխավորությամբ «Միկան» դարձել է Հայաստանի գավաթակիր: