Հայաստանում մեկ օրում  հաստատվել է Covid-19-ի 2085 դեպք. մահացել է 5 մարդ

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Հայաստանում հունվարի 30-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 366 հազար 433 դեպք, որից 335 հազար 719-ը`առողջացման, 8046-ը` մահվան ելքով:

Կորոնավիրուսային հիվանդությունից այս պահին փաստացի բուժում է ստանում 21 հազար 135 բուժառու: «Արմենպրես»-ն այս մասին տեղեկացավ ՀՀ առողջապահության նախարարությունից։

Մեկ օրում կատարվել է 5900 թեստավորում,հաստատվել է կորոնավիրուսային հիվանդության 2085 դեպք, առողջացել է 257, մահացել՝ 5 քաղաքացի:

Թեստավորումների ընդհանուր թիվը հասել է 2 միլիոն 722 հազար 315-ի: