«Դասարվեստ» ծրագրի շրջանակում Ազգային պատկերասրահում պահվող կտավները կցուցադրվեն ՀՀ մարզերում
1 րոպեի ընթերցում
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարությունը, համագործակցելով Հայաստանի ազգային պատկերասրահի հետ, կյանքի կկոչի «Դասարվեստ» ծրագիրը:
«Արմենպրես»-ի հաղորդմամբ՝ դեկտեմբերի 22-ին լրագրողների հետ հանդիպմանը ՀՀ ԿԳՄՍ նախարարի տեղակալ Արա Խզմալյանն ասաց, որ ծրագրի շրջանակում կտավը «կայցելի» ՀՀ մարզեր:
«Այդ ծրագրով կփորձենք դարձյալ բարձրացնել մշակութային արժեքը, մշակութային օբյեկտի ընկալումը մասնավորապես աշակերտների շրջանում»,-շեշտեց Արա Խզմալյանը:
Փոխնախարարը հիշեցրեց, որ տարբեր մշակութային հաստատությունների հետ համագործակցությամբ մինչ օրս հաջողությամբ իրականացրել են «ԴասԱ», «Դասարան+դասական», «Արար», «Մեկնարկ» և մի շարք այլ կրթական նախաձեռնություններ, որոնք հաջողել են: