Հայաստանում օդի ջերմաստիճանը կնվազի 5-8 աստիճանով

ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի տարածքում նոյեմբերի 6-ի ցերեկը, 7-9-ը, 10-ի գիշերը սպասվում է առանց տեղումների եղանակ: Նոյեմբերի 10-ի օրվա երկրորդ կեսին, 11-ին առանձին շրջաններում սպասվում են տեղումներ: Քամին՝ արևելյան՝ 2-5 մ/վ:

Ինչպես«Արմենպրես»-ին տեղեկացրին ՀՀ արտակարգ իրավիճակների նախարարությունից, օդի ջերմաստիճանը նոյեմբերի 11-ին կնվազի 5-8 աստիճանով:

Երևան քաղաքում նոյեմբերի 6-ի ցերեկը, 7-9-ը, 10-ի գիշերը, 11-ին սպասվում է առանց տեղումների եղանակ։ Նոյեմբերի 10-ի երեկոյան ժամերին հնարավոր է անձրև: