Հայաստան-Լիխտենշտեյն հանդիպման տոմսերն առցանց վաճառքում են

ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Աշխարհի 2022 թվականի առաջնության ընտրական փուլի Հայաստան - Լիխտենշտեյն հանդիպման տոմսերն օգոստոսի 17-ից հասանելի են առցանց տարբերակով՝www.tickets.ffa.amկայքում։

«Արմենպրես»-ի հաղորդմամբ` Հանդիպումը կկայանա սեպտեմբերի 8-ին՝ ժամը 20:00-ին՝ Վազգեն Սարգսյանի անվան«Հանրապետական»մարզադաշտում։

Տոմսերի արժեքն է՝

Հյուսիսային և Հարավային տրիբունաներ՝ 2000 դրամ

Արևելյան տրիբունա՝ 3000 և 5000 դրամ

Արևմտյան տրիբունա՝ 6000 և 8000 դրամ։

Տոմսերը հնարավոր է ձեռք բերել միայն անձնագրի կամ նույնականացման (ID) քարտի պատճեն կցելու դեպքում։ Այս պահանջը ներկայացված է ՈւԵՖԱ-ի կողմից՝ COVID-19 համավարակի պայմաններում ֆուտբոլասերների մուտքը մարզադաշտ ապահովելու համար։

Յուրաքանչյուր օգտատեր իր հաշվից կարող է ձեռք բերել առավելագույնը 5 տոմս։ Անձնագրի, կամ նույնականացման քարտի պատճենը պետք է ներկայացնի միայն տոմս ձեռք բերող օգտատերը։

Հայաստան-Լիխտենշտեյն հանդիպման տոմսերի տոմսերի վաճառքը տոմսարկղերից կմեկնարկի ավելի ուշ։ Այդ մասին կհայտարարվի լրացուցիչ: