1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Հայտնի է դարձել, թե որքան աշխատավարձ կստանա Արգենտինայի ֆուտբոլի ազգային թիմի հարձակվող Սերխիո Ագուերոն«Բարսելոնա»-ում:
«Արմենպրես»-ի հաղորդմամբ` այս մասին գրում են իսպանական ԶԼՄ-ները: Ագուերոն կատալոնական ակումբում կստանա 6 միլիոն եվրո աշխատավարձ, որտեղ ներառված չեն լինի հարկերը:
Ավելի վաղ հայտնի էր դարձել, որ Արգենտինայի ֆուտբոլի ազգային թիմի հարձակվող Սերխիո Ագուերոն պաշտոնապես «Բարսելոնա»-ի ֆուտբոլիստ է: Արգենտինացի հարձակվողի հետ կնքվել է երկու տարվա պայմանագիր: Նա թիմին միացել է ազատ գործակալի կարգավիճակով:
Մինչ այս Ագուերոն հանդես էր գալիս անգլիական «Մանչեսթեր Սիթի»-ում: Սերխիո Ագուերոն «Մանչեսթեր Սիթի» է տեղափոխվել 2011 թվականին իսպանական «Ատլետիկո»-ից: «Քաղաքայինների» կազմում արգենտինացին ընդհանուր առմամբ մասնակցել է 384 խաղի և դարձել 257 գոլի հեղինակ: Ագուերոյին է պատկանում ակումբի լավագույն ռմբարկուի ռեկորդը: