1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Ֆրանսիայի ֆուտբոլի ազգային թիմի հարձակվող Կիլիան Մբապեն ցանկություն ունի կարիերան շարունակել «Ռեալ»-ում` անկախ ապագայում մարզչի փոփոխությունից:
«Արմենպրես»-ի հաղորդմամբ` այս մասին գրում է AS-ն: Մպաբեն ուզում է խաղալ «Ռեալ»-ում, եթե անգամ ներկայիս մարզիչ Զինեդին Զիդանը հեռանա գլխավոր մարզչի պաշտոնից:
Ավելի վաղ հայտնի էր դարձել, որ Մադրիդի «Ռեալ»-ի գլխավոր մարզիչ Զինեդին Զիդանը մրցաշրջանի ավարտին կհեռանա ներկայիս ակումբից: Զիդանի որոշման պատճառը հոգեբանական և ֆիզիկական հոգնածությունն է:
Զիդանը «Ռեալ»-ի գլխավոր մարզչի պաշտոնը ստանձնեց 2019 թվականին: Ավելի վաղը ֆրանսիացին արդեն իսկ մարզել էր «արքայական ակումբը» 2016-2018 թվականներին: Նրա ղեկավարության ընթացքում «Ռեալ»-ը երեք անգամ դարձել է Չեմպիոնների լիգայի հաղթող, երկու անգամ նվաճել Լա լիգայի հաղթողի կոչումը: Ընթացիկ մրցաշրջանում «Ռեալ»-ը հասավ Չեմպիոնների լիգայի կսաեզրափակիչ, որտեղ զիջեց անգլիական «Չելսի»-ին: