Բացվել են սևով նշված կետերը, մեկը թող ասի՝ այդտեղ հակապետական դավադրությունը որտե՞ղ է․ Նիկոլ Փաշինյան

3 րոպեի ընթերցում

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Հայտարարությունների դեպքում Ազգային ժողովի կողմից վավերացման անհրաժեշտություն չկա: Ինչպես փոխանցում է «Արմենպրես»-ը, այդ մասին Ազգային ժողովում արտահերթ նիստում հայտարարեց վարչապետի պաշտոնակատար Նիկոլ Փաշինյանը՝ անդրադառնալով Հայաստանի, Ռուսաստանի և Ադրբեջանի առաջնորդների կողմից հնարավոր նոր հայտարարության ընդունմանը:

«Եթե ասվի, որ դելիմիտացիայի արդյունքները պետք է վավերացվեն ԱԺ կողմից, դա ուրիշ հարց է, բայց հայտարարության դեպքում վավերացման անհրաժեշտություն չկա։ Դա սովորական աշխատանքային պրոցես է։ Հիմա բացվել են սևով նշված կետերը, մեկը թող ասի՝ այդտեղ հակապետական դավադրությունը որտե՞ղ է։ Հիմա էլ գրում են՝ Փաշինյանը մեկուսացրել է պաշտոնյաներին, ոչ ոք ոչնչից տեղյակ չէ։ Բոլորն ամեն ինչից տեղյակ են, ով դրանից պիտի տեղյակ լինի»,- ասաց նա։

Նիկոլ Փաշինյանը հավելեց, որ դեռևս նախորդ տարվա նոյեմբերին Հայաստանում ստեղծվել է սահմանազատման հարցերով միջգերատեսչական հանձնաժողով։ «Դրա մասին ԱԳՆ-ն կրկին գաղափար չունի, որովհետև հանձնաժողովը ղեկավարում է արտաքին գործերի նախարարի տեղակալը»,- ասաց նա։

«Մենք պետք է այս կետից ընտրենք մեր երկարաժամկետ ռազմավարությունը։ Ի վերջո` սահմանների դելիմիտացիա ու դեմարկացիա ի՞նչ է նշանակում։ Դա նշանակում է փակել այդ թեման։ Սահմանների անվտանգության թեման փակել, փոխադարձաբար գալ համաձայնության, թե որտեղով է անցնում պետական սահմանը, որն անձեռնմխելի է։ Հիմա այս համատեքստում հարցեր են հնչում՝ արդյոք սա նշանակո՞ւմ է, որ Ղարաբաղի հարցը փակվում է։ Ես ուզում եմ ձեզ մի նորություն ասել՝ 1991 թվականի դեկտեմբերին, երբ ընդունվեց հռչակագիր Անկախ պետությունների համագործակցության ստեղծման վերաբերյալ, այդ հռչակագիրը բոլոր երկրները ստորագրեցին՝ ճանաչելով միմյանց տարածքային ամբողջականությունը և սահմանների անխախտելիությունը։ Եթե այս առումով խնդիր կա, այդ խնդիրը ստեղծվել է 1991 թվականի դեկտեմբերին։ Եթե այդտեղ խնդիր կա, այդ խնդիրը ստեղծվել է 2010 թվականինայս դահլիճում, երբ ընդունվել է վարչատարածքային բաժանման մասին օրենքը, որտեղ արձանագրվել է, որ Շուռնուխից, Սև լճից էն կողմ Ադրբեջանի Հանրապետությունն է։ Հիմա այս աղմուկն ինչի՞ մասին է, մեկը կարո՞ղ է ինձ բացատրել»,- ասաց Նիկոլ Փաշինյանը։

Հայերեն Русский

Տեխնոլոգիական ոլորտում աշխատող և ոլորտով հետաքրքրված հայրենադարձներին ներկայացվել են պետական ծրագրերն ու միջոցառումները

ՀՀ տարածքում կան փակ, դժվարանցանելի ավտոճանապարհներ․ Լարսը բաց է բոլոր տեսակի տրանսպորտային միջոցների համար

Վրաստանում ցույցերի մասին օրենքում կատարված փոփոխությունները միտված է կանխելու ատելության տարածումը․ Կոբախիձե

Էստոնիան, Լատվիան, Լիտվան անջատվել են ռուսական էներգահամակարգից և կմիանան եվրոպական ցանցին

Brent-ը մեկ բարելի դիմաց թանկացել է մինչև 74,69 դոլար

Ստեփանավանում տեղի ունեցած հրդեհի հետևանքները վերացնելու նպատակով ստեղծվել է օպերատիվ շտաբ

Փետրվարի 10-ի միջոցառումների անոնս

Ստեփանավանում շենքերից մեկում բռնկված հրդեհի հետևանքով տարհանված քաղաքացիներն ապահովվել են կեցության վայրերով

Տղամարդը բարձրացել է Վատիկանի Սուրբ Պետրոսի տաճարի խորանի վրա և կոտրել 30 հազար եվրո արժողությամբ 6 մոմակալ

Դոնի Ռոստովի շրջաններից մեկում արտակարգ դրություն է հայտարարվել