1 րոպեի ընթերցում
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Գերմանիայի ֆուտբոլի ազգային թիմի անդամ Մարկո Ռոյսը չի մասնակցի Եվրոպայի ֆուտբոլի առաջնությանը:
«Արմենպրես»-ի հաղորդմամբ` այս մասին գրում են գերմանական ԶԼՄ-ները: Ռոյսը նման որոշում է կայացրել հավաքականի մարզչական շտաբի հետ քննարկման արդյունքում: «Երկար, դժվարին մրցաշրջանի ընթացքում Լյովի հետ եկել ենք համաձայնության, որ չեմ միանա հավաքականին Եվրոպայի առաջնությանը մասնակցելու համար: Այս որոշումը դժվարությամբ է ինձ տրվել»,- գրել է Ռոյսը:
Ավելի վաղ հայտնի էր դարձել, որ Եվրո-2020-ին չի մասնակցի Գերմանիայի ֆուտբոլի ազգային թիմի և կատալոնական«Բարսելոնա»-ի դարպասապահ Մարկ-Անդրե Տեր Շտեգենը:
Եվրոպայի առաջնությունը կանցկացվի 2021 թվականին` հունիսի 11-ից հուլիսի 11-ը: Եվրոպայի առաջնության 60-ամյակի կապակցությամբ մրցաշարն արդեն կանցկացվի 12 քաղաքներում` Լոնդոնում, Մյունխենում, Սանկտ-Պետերբուրգում, Բաքվում, Սևիլիայում, Հռոմում, Բուխարեստում, Դուբլինում, Կոպենհագենում, Գլազգոյում, Բուդապեշտում, Ամստերդամում: