ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Մարմնամարզիկների համար տարվա անելիքների տեսանկյունից դեռևս ոչինչ վերջնականապես հայտնի չէ:
«Արմենպրես»-ի հետ զրույցում այս մասին հայտնեց Հայաստանի մարմնամարզության տղամարդկանց թիմի գլխավոր մարզիչ Հակոբ Սերոբյանը: Վերջինիս խոսքով` ոչ մի միջազգային մրցաշարի հստակ ժամկետներ չկան: «Կարող եմ միայն ասել, որ պլանավորում ենք փետրվարին անցկացնել Հայաստանի մարմնամազրության մեծահասակների առաջնություն: Հույս ունենք, որ այդ ժամանակ սահմանափակումներ չեն լինի»,-ասաց մասնագետը:
Պլաններում կան նաև Դոհայում մասնակցել աշխարհի գավաթի խաղարկության հերթական փուլին մարտին և ապրիլի հնարավոր է կկայանա Եվրոպայի մեծահասակների առաջնությունը: «Եվրոպայի առաջնությունից առաջ ուզում ենք անպայման հավաք անցկացնել` մարզավիճակ հավաքելու համար»,-շեշտեց նա: Հավաքները նախատեսվում են կամ Թբիլիսում, կամ Մինսկում անցկացնել: