1 րոպեի ընթերցում
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինը նշել է, որ Արցախում տեղի ունեցող իրադարձությունները ողբերգական բնույթ ունեն և մտահոգված է տեղի ունեցող զարգացումներով:
«Եվ Ադրբեջանը, և Հայաստանը, Լեռնային Ղարաբաղը տարածքներ են, որտեղ մեզ օտար մարդիկ չեն ապրում: Բավական է նշել, որ Ռուսաստանում բնակվում է շուրջ 2 միլիոն Ադրբեջանցի և, մեր հաշվարկներով, 2 միլիոնից ավելի հայ: Ռուսաստանի բազմաթիվ քաղաքացիներ սերտ, բարեկամական, անգամ ազգակցական կապեր ունեն երկու հանրապետություններում էլ»,-«Արմենպրես»-ի հաղորդմամբ՝ ասել է ՌԴ նախագահը:
Պուտինը հույս է հայտնել, որ առաջիկայում հակամարտությունը կդադարեցվի. «Դրա վերջնական պարպումը, ըստ ամենայնի, դեռ հեռու է, սակայն մենք, և ես կրկին ցանկանում են այդ մասին ասել, կոչ ենք անում կրակի դադարեցմանը: Դա պետք է անել հնարավորինս արագ»:
Ռուսաստանի նախագահն այս հայտարարություններն արել է ծննդյան օրվա առթիվ ռուսական պետական հեռուստաընկերությանը՝ «Ռոսիա 1»-ին տված հարցազրույցում: