Հայաստանի առաջնությունն առանձնանում էր մյուս տարիներից. Հակոբ Սերոբյան
2 րոպեի ընթերցում
![Հայաստանի առաջնությունն առանձնանում էր մյուս տարիներից. Հակոբ Սերոբյան](http://armenpress.am/resized/480/static/news/b/2020/02/1006551.jpg)
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Հայաստանի մարմնամարզության հավաքականի գլխավոր մարզիչ Հակոբ Սերոբյանի խոսքով առաջնությունը ցույց է տվել, որ փոխարինվող սերունդը լավն է:
«Հայաստանի այս տարվա առաջնությունն առանձնանում է մյուս տարիներից, քանի որ մի շարք մարզիկներ վնասվածքներ ունեին և կմասնակցեցին: Այստեղ պետք է որոշեինք, թե ով կմասնակցի Եվրոպայի առաջնությանը, սակայն մենք չենք մասնակցելու, քանի որ այն Բաքվում է տեղի ունենալու: Այդքան մեծ մրցակցություն չկար»,-«Արմենպրես»-ի հաղորդմամբ` լրագրողների հետ զրույցում ասաց մասնագետը:
Սերոբյանի խոսքով` այս տարի հատուկ թույլտվությամբ առաջնությանը մասնակցում էին նաև պատանի և երիտասարդ մարզիկներին, ովքեր դրական արդյունքներ են գրանցել: «Լավ ապագա ունենք, քանի որ բազմամարտում երրորդ տեղը զբաղեցրած տղա ընդամենը 13 տարեկան է: Իմ կարծիքով հաջորդ Օլիմպիական խաղերում մեդալի համար շատ լուրջ հայտ կներկացնի Արթուր Ավետիսյանը»,-ասաց նա:
Անդրադառնալով Հայաստանի միակ օլիմպիական մասնակցին` Սերոբյանը շեշտեց, որ դեռևս հստակ չէ, թե որ մարզագործիքի վրա իր ուժերը կփորձի Արթուր Դավթյանը, քանի որ նրա վնասվածքը դեռևս չի բուժվել:
Մարմնամարզիկներ Եվրոպայի առաջնության փոխարեն ավանդույթի համաձայն կմասնակցեն միայն աշխարհի գավաթի մի քանի փուլի: