Time ամսագիրը Հայաստանը բնորոշել է որպես «Կովկասյան վագր»
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Հեղինակավոր Time ամսագիրն անդրադարձել է Հայաստանի դինամիկ տնտեսական աճին, մեր երկիրը բնորոշելով, որպես «Կովկասյան վագր»: «Արմենպրես»-ի փոխանցմամբ` այս մասին հայտնում է ՀՀ կառավարության «Ֆեյսբուք»-ի պաշտոնական էջը:
Ամսագիրը բնորոշումը տալուց հաշվի է առել հեղափոխությունից հետո երկրում արձանագրված փոփոխությունները և տնտեսական աճի տեմպը:
Հոդվածում անդրադարձ է կատարվել նաև Moody’s-ի կողմից Հայաստանի վարկանիշի բարձրացմանը:
Moody’s-ի կողմից օգոստոսի 27-ին հրապարակված զեկույցում կազմակերպությունը բարձրացրել է Հայաստանի Հանրապետության կառավարության ազգային արժույթով և արտարժույթով գնանշված երկարաժամկետ թողարկողի և արտարժույթով գնանշված չապահովված արտոնյալ պարտքի վարկանիշները՝ «B1»-ից «Ba3»:
Բաժանորդագրվեք մեր ալիքին Telegram-ում