Հունիսի 26-ին սպասվող իրադարձությունները
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ հունիսի 26-ին, Լեզվի կոմիտեն ամփոփում է ընթացիկ տարվա առաջին կիսամյակի աշխատանքները: Լրագրողների հետ հանդիպմանը արված աշխատանքին կանդրադառնա կոմիտեի նախագահ Դավիթ Գյուրջինյանը:
Երևանում կանցկացվի Հանրային խորհրդի բնապահպանության հարցերի հանձնաժողովի նիստը: Օրակարգում Երևանի էկոլոգիական իրավիճակի բարելավման արդի ռազմավարությունն է, ջրային ռեսուրսների առկա հիմնախնդիրները:
Հունիսի 19-ին մեկնարկել է Երևանի և ՀՀ մարզերի երաժշտական և արվեստի դպրոցների փոխգործակցության «Քույր-դպրոցներ» ծրագիրը: ՀՀ կրթության, գիտության, մշակույթի և սպորտի նախարարության, Երևանի քաղաքապետարանի ներկայացուցիչները կներկայացնեն ծրագրի մանրամասները:
«Առնո Բաբաջանյան» համերգասրահում կանցկացվի թուրքմենա-հայկական համատեղ ֆոլկլորային երաժշտության համերգ:
Կոմիտասի անվան պետական կոնսերվատորիայում կկայանա Ստեփան Ջրբաշյանի «Գիքոր» օպերայի բեմադրությունը՝ նվիրված Հ.Թումանյանի ծննդյան 150-ամյակին: «Գիքոր» օպերան կներկայացվի նաև ՀՀ մարզերում:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում