ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ:  ՀՀ մշակույթի նախարարության պատվիրակությունը և «Զանգակ» հրատարակչությունն ապրիլի 25-28-ն առանձին տաղավարով մասնակցում են Աստանայի «Կորմե» ցուցահանդեսային կենտրոնում բացված Եվրասիական միջազգային գրքի ցուցահանդես-տոնավաճառին։
Հայկական տաղավարում ներկայացված է պետական պատվերով և աջակցությամբ վերջին երկու տարիներին հրատարակված արտադրանքը։

Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից,
ներկայացվում է նաև «Հայ գրականությունը թարգմանություններում» դրամաշնորհային ծրագիրը: Դրանով ՀՀ մշակույթի նախարարությունն աջակցում է արտասահմանյան այն հրատարակչություններին, որոնք պատրաստ են իրենց երկրների լեզուներով հայ գրականություն հրատարակել: 
Ցուցահանդես-տոնավաճառին մասնակցում են պատվիրակություններ աշխարհի շուրջ 20 երկրից։