ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփն ապրիլի 17-ին Թուրքիայի իշխանություններից պահանջել Է ազատ արձակել ամերիկացի պաստոր Էնդրյու Բրանսոնին, որին մեղադրում են 2016 թվականին երկրում զինվորական հեղաշրջման փորձին մասնակցելու մեջ, տեղեկացնում Է «Արմենպրես»-ը:

«Պաստոր Էնդրյու Բրանսոնը, որն օրինավոր մարդ Է ու քրիստոնեական հոգեւորական ԱՄՆ-ում, գտնվում Է մեղադրյալի աթոռին եւ Թուրքիայում հետապնդվում Է առանց որեւԷ հիմքի: Նրանք նրան լրտես են համարում, բայց ես ավելի շատ լրտես եմ, քան նա»,- գրել Է Սպիտակ տան ղեկավարն իր Twitter-ում:

Pastor Andrew Brunson, a fine gentleman and Christian leader in the United States, is on trial and being persecuted in Turkey for no reason. They call him a Spy, but I am more a Spy than he is. Hopefully he will be allowed to come home to his beautiful family where he belongs!

— Donald J. Trump (@realDonaldTrump) 18 апреля 2018 г.

Թուրքիայի դատախազությունը, պաստորին մեղադրելով նաեւ Թուրքիայում արգելված «Ֆեթհուլլահականների ահաբեկչական կազմակերպության» հետ կապերի մեջ, նրա համար ցմահ բանտարկություն Է պահանջում: Ինչպես հայտնել Է Cumhuriyet թուրքական թերթը, Բրանսոնը ժխտում Է իր կապը խռովարարների հետ: Նրա դուստրը մարտի 9-ին ՄԱԿ-ի Մարդու իրավունքների խորհրդում կայացած ելույթի ժամանակ Անկարայի մեղադրանքները որակել Է «աբսուրդային», հաղորդել Է ՏԱՍՍ-ը: