«ՏաԹևեր» ճոպանուղուց տարահանվել է չորս տասնյակից ավելի քաղաքացի

ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: ՀՀ ԱԻՆ փրկարարները և «ՏաԹևեր» ճոպանուղու աշխատակիցների հետ կայծակի պատճառով կանգ առած ճոպանողուց տարահանել են 42 քաղաքացու։ «Արմենպրես»-ին այս մասին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից։

Ըստ աղբյուրի՝ օգոստոսի 8-ին, ժամը 15։58-ին Վայոց ձորի մարզային ճգնաժամային կառավարման կենտրոն ահազանգ է ստացվել, որ Սյունիքի մարզի Հալիձոր գյուղում գտնվող«ՏաԹևեր» ճոպանուղու խափանման հետևանքով երկու օդախուցարգելափակվել է բարձրության վրա։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։

ՀՀ ԱԻՆ-ից տեղեկացնում են, որ փրկարարները ճոպանուղու աշխատակիցների հետ համատեղ տարահանել են 42 քաղաքացու։

«ՏաԹևեր» ճոպանուղուց էլ տեղեկացնում են, որ օգոստոսի 8-ին, ժամը 15։40 կայծակի հետևանքով և անվտանգությունից ելնելով, ճոպանուղին կանգ է առել ընթաքի ժամանակ։

«Այդ պահին ճոպանուղու երկու խցիկներում եղել են 41 ուղևոր և 2 ուղեցկող։ Արդեն ժամը 18։45-ի դրությամբ բոլոր ուղևորները բարեհաջող տարհանվել են ճոպանուղու աշխատակիցների կողմից»,- ասվում է հաղորդագրության մեջ։