ნიკოლ ფაშინიანმა სომხეთის ყოფილ პრეზიდენტები დაადანაშაულა ქვეყნის ომში ჩათრევაში

სომხეთის რესპუბლიკის პრემიერ-მინისტრმა ნიკოლ ფაშინიანმა უპასუხა სომხეთის რესპუბლიკის ყოფილ პრეზიდენტებს ლევონ ტერ-პეტროსიანს, რობერტ ქოჩარიანსა და სერჟ სარგსიანს, რომლებმაც იგი დაადანაშაულეს 44-დღიანი ომის პროვოცირებასა და სომხეთის ომში ჩათრევაში.

„არმენპრესის“ ინფორმაციით, პრემიერ-მინისტრმა ამ საკითხს შეეხო სომხეთის დემოკრატიის ფორუმის ფარგლებში თემაზე „დემოკრატიის ხარისხი სომხეთში: გამოწვევები და შეფასების ინდიკატორები“ გამართული პანელური დისკუსიის დროს.

„თუ ჩვენ ომში ჩავთრიეთ, 2018 წლის მდგომარეობით 18 წლის ჯარისკაცს სომხეთის საერთაშორისო დონეზე აღიარებულ ტერიტორიებს გარეთ რა საქმე ჰქონდა? აბა რატომ არ ვსაუბრობდით ამაზე? თუ საუბრობდნენ, ღალატად ითვლებოდა. ადამიანები, რომლებმაც სომხეთი ომში ჩათრიეს მათი პოლიტიკური საქმიანობის პირველივე დღიდან, და ჩათრიეს არა ცოტა, არამედ შემდეგ ნახევრიდანაც გაიქცნენ, სახლში დასხდნენ, დღეს კი გვადანაშაულებენ, თითქოს ჩვენ ჩავთრიეთ სომხეთი ომში“, – განაცხადა პრემიერ-მინისტრმა.

სომხეთის პრემიერ-მინისტრმა რიტორიკული კითხვა დასვა: ნუთუ სომხეთი ომში არ ყოფილა 2019, 2018, 2017, 2016 და წინა წლებში?

„აბა როგორ მოხდა, რომ ნიკოლ ფაშინიანმა სომხეთი ომში ჩათრია“, – დაასკვნა პრემიერ-მინისტრმა.

სომხეთის პრემიერ-მინისტრმა ნიკოლ ფაშინიანმა სომხეთის ყოფილი 3 პრეზიდენტის ლევონ ტერ-პეტროსიანის, რობერტ ქოჩარიანისა და სერჟ სარგსიანის განცხადებებს ფეისბუქ-პოსტითაც უპასუხა.