1 წუთი კითხვის
საუდის არაბეთის ტახტის მემკვიდრე, პრინცი მოჰამედ ბინ სალმან ალ საუდი, აშშ-ის სახელმწიფო მდივან მარკო რუბიოს შეხვდა, რომელიც ჯიდდაში უკრაინული დელეგაციის წარმომადგენლებთან მოლაპარაკებების გასამართად ჩავიდა. როგორც „არმენპრესი“ იუწყება, ამის შესახებ საუდის არაბეთის პრესის სააგენტო (SPA) იტყობინება.
ტახტის მემკვიდრემ და სახელმწიფო მდივანმა განიხილეს ორმხრივი ურთიერთობების გაძლიერების შესაძლებლობები, ასევე ის ძალისხმევა, რომელიც საერთაშორისო და რეგიონული უსაფრთხოების უზრუნველსაყოფად ხორციელდება.
საუდის არაბეთში ამერიკული და უკრაინული დელეგაციების მოლაპარაკებები 11 მარტს გაიმართება.
საუდის არაბეთში გამგზავრებისას, რუბიომ ჟურნალისტებს განუცხადა, რომ აშშ-ის პრეზიდენტი დონალდ ტრამპი იმედს გამოთქვამს, რომ რუსეთ-უკრაინის კონფლიქტი დიპლომატიური გზით მოგვარდება და ახალი ანტირუსული სანქციები საჭირო არ იქნება.
რუბიომ ასევე აღნიშნა, რომ კიევისათვის დახმარების მიწოდების განახლება ჯიდდაში მოლაპარაკებების შედეგებზე იქნება დამოკიდებული. მისივე თქმით, აშშ-ს სურს დარწმუნდეს, რომ უკრაინა მშვიდობიანი მოლაპარაკებებით არის დაინტერესებული.
