აშშ-სა და ირანს შორის მოლაპარაკებებთან დაკავშირებული ვითარება „ცვალებადია“ - თეთრი სახლი

ვაშინგტონსა და თეირანს შორის მოლაპარაკებებთან დაკავშირებული ვითარება არასტაბილურია. „არმენპრესის“ ცნობით, ამის შესახებ BBC-ს თეთრი სახლის პრესსპიკერმა, ქეროლაინ ლევიტმა განუცხადა.

მოლაპარაკებების შესახებ ადრე აშშ-ის პრეზიდენტმა დონალდ ტრამპმა განაცხადა, თუმცა ირანულმა მხარემ ეს ინფორმაცია უარყო.

„ეს არის სენსიტიური დიპლომატიური განხილვები და აშშ არ აპირებს მოლაპარაკებების წარმოებას მედიის საშუალებით. ეს არის ცვალებადი ვითარება და შეხვედრების შესახებ ვარაუდები არ უნდა ჩაითვალოს საბოლოოდ, სანამ მათ შესახებ ოფიციალურად არ განაცხადებს თეთრი სახლი“, - აღნიშნა ლევიტმა.

თეთრ სახლში ასევე განაცხადეს, რომ აშშ-ისა და ირანის ლიდერებს შორის ოფიციალური შეხვედრების შესახებ ინფორმაცია არ გამოქვეყნებულა.

23 მარტს ტრამპმა განაცხადა, რომ მხარეებს შორის მოლაპარაკებებში შეთანხმების მიღწევის კუთხით დიდ პროგრესს მიაღწიეს.