ირანმა მიიღო 15 პუნქტისგან შემდგარი ცეცხლის შეწყვეტის გეგმა - პაკისტანელი მაღალჩინოსნები

ირანმა მიიღო ახლო აღმოსავლეთში ომის შეწყვეტის შესახებ ამერიკული გეგმა. „არმენპრესის“ ცნობით, ამის შესახებ სააგენტო The Associated Press-ს პაკისტანელმა ორმა მაღალჩინოსანმა განუცხადა.

თეირანს არ დაუდასტურებია გეგმის მიღება და საჯაროდ უარყო ამერიკულ მხარესთან კონტაქტები.

პაკისტანელმა ორმა მაღალჩინოსანმა, რომლებმაც ირანს 15 პუნქტისგან შემდგარი გეგმა გადასცეს, განაცხადეს, რომ ის ეხება სანქციების შემსუბუქებას, ირანის ბირთვული პროგრამის შეწყვეტას, რაკეტების რაოდენობის შეზღუდვასა და ჰორმუზის სრუტის გახსნას.

ეგვიპტელმა მაღალჩინოსანმა, რომელიც ჩართულია საშუამავლო ძალისხმევაში, დასძინა, რომ წინადადება ასევე მოიცავს ირანის მხრიდან შეიარაღებული დაჯგუფებების მხარდაჭერის შეზღუდვას.

პაკისტანელმა და ეგვიპტელმა მაღალჩინოსნებმა ასევე განაცხადეს, რომ შუამავლებს სურთ ირანელებმა და ამერიკელებმა მოლაპარაკებები უახლოეს დღეებში, უკვე 27 მარტს გამართონ.

ამავდროულად, რეგიონში ამერიკული დამატებითი ჯარები იგზავნება.