ბიშკეკში შთო-ს სამიტი დაიწყო

ბიშკეკში შანხაის თანამშრომლობის ორგანიზაციის სამიტი დაიწყო. „არმენპრესის“ ცნობით, ამის შესახებ გამოცემა „24“ იტყობინება.

პუბლიკაციის თანახმად, შთო-ს ყველა 10 წევრი სახელმწიფოს ხელმძღვანელი ყირგიზეთის დედაქალაქში ჩავიდა. 1 სექტემბერი სამიტის ძირითადი დღეა. იგი შთო-ს საბჭოს სხდომით დაიწყო, რომელსაც მოჰყვება შეხვედრა „შთო პლიუსის“ ფორმატში.

ყირგიზეთის თავმჯდომარეობა ლოზუნგით - „შთო-ს 25 წელი: ერთად მშვიდობის, განვითარებისა და კეთილდღეობისკენ“ იმართება. საიუბილეო სამიტზე განსახილველი თემები მრავალფეროვანია: რეგიონული უსაფრთხოებიდან დაწყებული, ეკონომიკაში ხელოვნური ინტელექტის გამოყენებით დამთავრებული.

სამიტის შედეგებით იგეგმება ბიშკეკის დეკლარაციის მიღება, რომლის პროექტიც უფრო ადრე შთო-ს საგარეო საქმეთა მინისტრების მიერ შეთანხმდა.