1 րոպեի ընթերցում
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: «Երևանի թիվ 1 տուն-ինտերնատ» ՊՈԱԿ-ը «Ֆեյսբուք»-ի իր էջի գրառմամբ շնորհակալություն է հայտնել ՀՀ վարչապետի տիկին, «Իմ քայլը» և «City of smile/Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանին՝ տուն-ինտերնատի խնամյալներին մշտական ուշադրության կետրոնում պահելու համար, և հավելել, որ խնամյալ Լարիետտա Սրվանձտյանի հետ ծանոթությունը վերածվել է հոգևոր մտերմության և բարեկամության։
««Երևանի N 1 տուն-ինտերնատ» ՊՈԱԿ-ն իր խորին շնորհակալությունն է հայտնում ՀՀ վարչապետի տիկին Աննա Հակոբյանին, ով մշտապես ուշադրության կենտրոնում է պահում Կազմակերպության խնամյալներին, իր ջերմությամբ և անակնկալ նվերներով լցնում նրանց յուրաքանչյուր օրը, իսկ խնամյալ Լարիետտա Սրվանձտյանի հետ 2018 թվականի ծանոթությունն արդեն իսկ վերածվել է հոգևոր մտերմության և բարեկամության»,- նշված է գրառման մեջ: