1 րոպեի ընթերցում
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայում ձերբակալվել է Էրզրումի Քարայազը բնակավայրի քաղաքապետ Մելիքե Գյոքսուն, որը քրդամետ Ժողովուրդների դեմոկրատական կուսակցության անդամ է:
Այս մասին, ինչպես հաղորդում է «Արմենպրես»-ը, հայտնում է թուրքական «Սյոզջու» լրատվամիջոցը:
Ըստ տեղեկատվության՝ դեռևս որոշ ժամանակ առաջ Գյոքսուի նկատմամբ դատարանը յոթ տարի վեց ամիս ազատազրկման որոշում էր կայացրել՝ «ահաբեկչական կազմակերպությանը անդամակցելու» մեղադրանքով: Վճիռը բողոքարկվել է, սակայն դատարանը մերժել է այն, որից հետո Գյոքսուն ձերբակալվել է:
Գյոքսուի հետ միասին ձերբակալվել է ևս յոթ անձ, այդ թվում քաղաքային խորհրդի անդամներ: Նրանց նույնպես առաջադրվել է վերոնշյալ մեղադրանքը: