1 րոպեի ընթերցում
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Հունահռոմեական ոճի ըմբիշ Կարապետ Չալյանը պարտվեց աշխարհի առաջնության կիսաեզրափակիչում:
«Արմենպրես»-ի հաղորդմամբ` Նուր-Սուլթանում ընթացող աշխարհի առաջնության 77 կգ քաշային կարգի կիսաեզրափակիչում Չալյանի հակառակորդը Շվեդիան ներկայացնող Ալեքս Բյուրբերգ Կեսիդիսն էր: Չալյանը պարտվեց 2:5 հաշվով: Այժմ հայ ըմբիշը կպայքարի բրոնզե մեդալի համար:
Կիսաեզրափակիչ դուրս գալով՝ գյումրեցի մարզիկն ապահովել էր Տոկիոյի 32-րդ ամառային օլիմպիական խաղերի ուղեգիր: