Պենտագոնը սպառնացել է զրկել Թուրքիային F-35 կործանիչներից
1 րոպեի ընթերցում
![Պենտագոնը սպառնացել է զրկել Թուրքիային F-35 կործանիչներից](http://armenpress.am/resized/480/static/news/b/2019/05/973660.jpg)
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Միացյալ Նահանգները վերջնականորեն կհեռացնեն Թուրքիային հինգերորդ սերնդի F-35 կործանիչների մատակարարման ծրագրից, եթե Անկարան գնի ռուսական C-400 հրթիռային համակարգերը: Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, այս մասին լրագրողներին ասել է Պենտագոնի ղեկավարի պարտականությունները կատարող Պատրիկ Շենահանը:
Նա տեղեկացրել է, որ Վաշինգտոնը չի գնալու զիջումների, և Անկարան ստիպված է լինելու ընտրել F-35-ի և C-400-ի միջև:
Պենտագոնի ղեկավարի պարտականությունները կատարող Շենահանը հայտնել է նաև, որ Թուրքիան Միացյալ Նահանգների գործընկերն է և այդ ամենը չի ազդի թուրքական Ինջիրլիքում ամերիկյան ռազմաբազայի կարգավիճակի վրա: