Անդրանիկ Քոչարյանի կարծիքով` Հայաստանը ներկայում լուծում է արժանապատիվ խաղաղության հասնելու խնդիր

2 րոպեի ընթերցում

ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Հայաստանը լրացուցիչ ռազմական հարց լուծելու խնդիր չունի, Հայաստանն ունի միայն արժանապատիվ խաղաղության հասնելու խնդիր: «Արմենպրես»-ի հաղորդմամբ այս մասին Ազգային ժողովում ճեպազրույցում ասաց «Իմ քայլը» խմբակցության պատգամավոր, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը` անդրադառնալով ՀՀ պաշտպանության նախարար Դավիթ Տոնոյանի Նյու Յորքում արած հայտարարությանը:

«Մենք զինադադարի ենք հասել խաղաղություն պարտադրելով: Խաղաղության կոնցեպցիան միշտ եղել է մեր պաշտպանական ռազմավարության հիմքում: Մենք լրացուցիչ որևէ ռազմական հարց լուծելու խնդիր չունենք, մենք արժանապատիվ խաղաղության հասնելու խնդիրն ենք լուծում այսօր»,- ասաց Քոչարյանը:

Նա նշեց, որ 90-ականներին Հայոց բանակի ստեղծումից սկսած Հայաստանը լուծել է խաղաղության խնդիր: Քոչարյանի կարծիքով` մեր խնդիրն այսօր այդ խաղաղությունը պահելն է ու վերջնական արժանապատիվ խաղաղության հասնելու գործընթացները մոտեցնելն այն իրողություններին, որոնց պետք է կարողանանք հասնել բանակցային գործընթացներում:

Տոնոյանը օրեր առաջ Նյու Յորքում հայ համայնքի ներկայացուցիչների հետ հանդիպմանը հայտնել է, որ Արցախի խնդրի կարգավորման համար «տարածքներ՝ խաղաղության դիմաց» ձևաչափը չի լինելու, ինքն այն վերաձևակերպել է «նոր պատերազմ՝ նոր տարածքների դիմաց»:

Հայերեն Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ