Սամբիստները երկու մեդալ են նվաճել աշխարհի գավաթի խաղարկության փուլում 

ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Հայաստանի սամբոյի հավաքականի անդամները մեդալներ են նվաճել աշխարհի գավաթի խաղարկության հերթական փուլում:

«Արմենպրես»-ի հաղորդմամբ` Մոսկվայում կայացած Անատոլի Խարլամպիևի անվան գավաթի խաղարկությունում 57 կգ քաշային Տիգրան Կիրակոսյանը (մարզական սամբո) դարձել է մրցաշարի փոխչեմպիոն, 68 կգ քաշային Սամվել Բադալյանը (մարտական սամբո) արժանացել է բրոնզե մեդալի:

Անատոլի Խարլամպիևի հուշամրցաշարն անցկացվում է 1980 թվականից։ 2019 թվականին մրցումներին մասնակցել է 200 մարզիկ: