2 րոպեի ընթերցում
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը փետրվարի 18-ին վենեսուելացի զինվորականներին առաջարկել Է պաշտպանել երկրի ընդդիմությանը, մասնավորապես, երկիր թողնել մարդասիրական ավտոշարասյունը, եւ լինել համաներված, կամ Էլ «կորցնել ամեն ինչ»:
Այս հայտարարությամբ Սպիտակ տան ղեկավարը հանդես Է եկել Մայամիում Ֆլորիդայի նահանգի Միջազգային համալսարանում: Նրա ելույթը հեռարձակել են Միացյալ Նահանգների լրատվական հեռուստաընկերությունները, տեղեկացնում Է «Արմենպրես»-ը: «Մենք կարծում ենք, որ Վենեսուելայի զինված ուժերը եւ դրանց հրամանատարությունը կենսականորեն կարեւոր դեր են խաղում այդ գործընթացում (երկրում խաղաղ անցմանը ժողովրդավարության): Եթե դուք ընտրում եք այդ ուղին, ձեզ համար հնարավորություն կլինի օգնելու անվտանգ եւ բարեկեցիկ ապագա ստեղծել Վենեսուելայի ամբողջ ժողովրդի համար: Դուք կարող եք ընտրել երկրորդ ուղին՝ շարունակելով պաշտպանել (երկրի գործող նախագահ Նիկոլաս) Մադուրոյին»,- ասել Է նախագահը՝ ելույթ ունենալով ԱՄՆ-ում վենեսուելական սփյուռքի ներկայացուցիչների առջեւ: Երկրորդ դեպքում, շարունակել Է նա, վենեսուելացիները «չեն գտնի ո՛չ ապաստան, ո՛չ դյուրին ելք, ոչ մի ուղի դեպի հետ»: «Դուք կկորցնեք ամեն ինչ»,- հայտարարել Է Թրամփը, հաղորդել Է ՏԱՍՍ-ը: