368.54
Պետք է վերանայվի գիտության նկատմամբ քաղաքականությունը և բարեփոխումներն արվեն հնարավորինս «անցավ». Արայիկ Հարությունյան
1 րոպեի ընթերցում
ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Կրթության և գիտության նախարարի պաշտոնակատար Արայիկ Հարությունյանն անդրադարձավ Օրգանական և դեղագործական քիմիայի գիտատեխնիկական կենտրոնի աշխատակիցների բողոքի ակցիային՝ ուղղված կենտրոնի շենքի մի մասի օտարման դեմ: «Պետական գույքի կառավարման վարչության պետ Նարեկ Բաբայանը քիչ առաջ ինձ հայտնեց, որ իրենք բանակցում են այդ ինստիտուտի հետ: Բանակցությունները դժվար են գնում, բայց կառավարությունն ըստ այդ բանակցությունների նոր որոշում կկայացնի»,- «Արմենպրես»-ի փոխանցմամբ, ասաց Հարությունյանը՝ կառավարության նիստից հետո լրագրողների հետ զրույցում:
ԿԳ նախարարի պաշտոնակատարի խոսքով՝ պետք է վերանայվի գիտության նկատմամբ քաղաքականությունը: «Որևէ արատավոր գործողություններ չեն շարունակվում, որովհետև բազմաթիվ անգամ խոսել ենք այն գործողությունների մասին, որոնք մենք իրականացնում ենք: Ես առաջիկա կիրակի օրը երիտասարդ գիտնականների հետ հանդիպում ունեմ: Այսինքն՝ մենք փորձում ենք առավելագույնն անել, որպեսզի այդ բարեփոխումները լինեն անցավ, բայց նաև որոշակի կտրուկ գործողություններ անել՝ գիտությունն այս վիճակից դուրս բերելու համար»,- ասաց Հարությունյանը:
Բաժանորդագրվեք մեր ալիքին Telegram-ում