Հայաստանում կոալիցիա չկա, մենք փորձել ենք ձևավորել ազգային համաձայնության կառավարություն. վարչապետ
1 րոպեի ընթերցում
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Հայաստանում կոալիցիա չկա, այլ ազգային համաձայնության կառավարություն: «Արմենպրես»-ի հաղորդմամբ՝ այս մասին Տավուշ կատարած այցի ընթացքում լրագրողների հետ հանդիպմանը նշեց ՀՀ վարչապետ Նիկոլ Փաշինյանը՝ պատասխանելով հարցին, թե կոալիցիայի մաս կազմող Դաշնակցությունը քաղաքական է որակել Ռոբերտ Քոչարյանի կալանավորումը:
«Հայաստանի Հանրապետությունում կոալիցիա չկա, այստեղ թյուրըմբռնում կա: Մենք փորձ ենք արել ազգային համաձայնության կառավարություն ձևավորել: Ով իրեն դուրս է զգում ազգային համաձայնությունից, մենք ոչ ոքի չենք բռնել»,-ասաց Նիկոլ Փաշինյանը:
Անդրադառնալով առաջիկայում սպասվող խորհրդարանական ընտրություններին՝ Նիկոլ Փաշինյանը նշեց, որ հաջորդ ամիս այն դժվար թե անցկացվի: