Մինչև 23 տարեկանների Եվրոպայի առաջնությունում Հայաստանի ազատ ոճի ըմբշամարտի հավաքականը նվաճել է 5 մեդալ
1 րոպեի ընթերցում
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: Հայաստանի սպորտի և երիտասարդության հարցերի նախարարությունն ամփոփել է Հռոմում ավարտված մինչև 23 տարեկանների Եվրոպայի ազատ ոճի ըմբշամարտի առաջնության արդյունքները: Ինչպես «Արմենպրես»-ին տեղեկացրին ՀՀ սպորտի և երիտասարդության հարցերի նախարարությունից, մինչև 23 տարեկանների Եվրոպայի առաջնությունում Հայաստանի ազատ ոճի ըմբշամարտի հավաքականընվաճելէ5 մեդալ՝ 3ոսկեև 2 բրոնզե:
Եվրոպայի չեմպիոններ են դարձել 57 կգ քաշային Արսեն Հարությունյանը, 61 կգ քաշային Վազգեն Թևանյանը և 125 կգ քաշային Հովհաննես Մաղաքյանը: Բրոնզե մեդալակիրներ են դարձել 65 կգ քաշային Գեղամ Գալստյանն ու 70 կգ քաշային Արման Անդրիասյանը:
Ազատ ոճի ըմբշամարտի ՀՀ հավաքականը թիմայինհաշվարկումգրավելէ3-րդ տեղը:
Օգոստոսի 6-ին, ժամը 23.50-ին հավաքականը Հռոմից կժամանի Երևան: